аппараттық мәжіліс
2023 жылы 2 мамыр күні Абай облысы Білім басқармасының Аягөз ауданы білім бөлімінің «№10 қазақ мектеп-гимназиясы» КММ- де оқу- тәрбие үдерісін зерделеу және әдістемелік көмек көрсету мақсатында аудандық білім бөлімінің басшысы Н.Т. Азимбаев, аудандық білім бөлімі басшысының орынбасары А.Е.Калиева, оқу, ғылыми-әдістемелік кабинеттің меңгерушісі Ж.Ы.Маликованың қатысуымен мектеп педагогтарымен кездесу өтті. Кездесу барысында оқу, ғылыми- әдістемелік кабинеттің меңгерушісі Ж.Ы.Маликова әдіскерлерден құрылған сараптамалық топтың жаратылыстану- математикалық және қоғамдық- гуманитарлық бағыттар бойынша пәндерден 19 сәуірде алынған қима жұмыстарының нәтижесі мен мектептің даму, оқу-тәрбие, мектепішілік бақылау мен басшылық, ғылыми және әдістемелік жұмыстардың құжаттары, өзара сабақтарға қатысу бойынша мұғалімдердің ұзақ мерзімді және қысқа мерзімді жоспарлары, формативті және критериалды бағалауды жүргізу құжаттары, электронды журналдың жүргізілуін зерделеу нәтижесі мен гимназиялық сыныптардан алынған қима бақылау жұмыстарының ІІІ тоқсанмен салыстырмалы мониторинг қорытындысын таныстырып өтті. Аудандық білім бөлімі басшысының орынбасары А.Е. Калиева педагог қызметкерлерді аттестаттаудың жаңа ережесімен таныстырып, толықтай түсіндіру жұмыстарын жүргізді.
Аудандық білім бөлімінің басшысы Н.Азимбаев педагогикалық қызметтің маңыздылығы мен жауапкершілігін айтып, мұғалімдерді заман талабына сай, бәсекеге қабілетті, білімді және білікті, қоғам қажеттілігін қанағаттандыра алатын, жоғары деңгейдегі кәсіби педагог болуда, бастысы – сапалы білім, саналы ұрпақ тәрбиелеуде бірқатар міндеттер жүктеді. Және ата-аналармен жұмыс түрлеріне баса назар аудару керек екенін, сыбайлас жемқорлықтың алдын алу мақсатында мектеп қабырғасында бейресми қаражат жинау үрдісіне жол берілмейтінін айтып өтті, білім алушылардың тәрбиесіне, жан-жақты дамуына жүйелі жұмыстар атқарылып, мектепте қандай да бір мақсат үшін қаражат жиналатын болса қатаң түрде шара қолданылатыны ескертілді.
Аудандық білім бөлімінің басшысы Н.Азимбаев педагогикалық қызметтің маңыздылығы мен жауапкершілігін айтып, мұғалімдерді заман талабына сай, бәсекеге қабілетті, білімді және білікті, қоғам қажеттілігін қанағаттандыра алатын, жоғары деңгейдегі кәсіби педагог болуда, бастысы – сапалы білім, саналы ұрпақ тәрбиелеуде бірқатар міндеттер жүктеді. Және ата-аналармен жұмыс түрлеріне баса назар аудару керек екенін, сыбайлас жемқорлықтың алдын алу мақсатында мектеп қабырғасында бейресми қаражат жинау үрдісіне жол берілмейтінін айтып өтті, білім алушылардың тәрбиесіне, жан-жақты дамуына жүйелі жұмыстар атқарылып, мектепте қандай да бір мақсат үшін қаражат жиналатын болса қатаң түрде шара қолданылатыны ескертілді.
