«Сабақ барысында медиа – ресурстарды тиімді қолдану арқылы оқушылардың коммуникативтік құзыреттілігін қалыптастыру» тақырыбында қазақ тілі, әдебиеті пәні мұғалімдеріне арналған аудандық семинар

2022 жылы 27 қыркүйек күні біртұтас білім бере отырып, тілдің танымдық, құрылымдық, тарихи мәнін, тілді қолданудың нормативті жүйесін игеріп, сөйлеу мәдениеті мен тәсілдерін меңгерген, ұлттық рухты бойына сіңірген дара тұлғаны қалыптастыру мақсатында Аягөз қаласының аудандық білім бөлімінің жоспарына сәйкес Абай облысы білім басқармасы Аягөз ауданы бойынша білім бөлімінің «№10 қазақ мектеп -гимназиясы» КММ-ң ұйымдастырумен «Сабақ барысында медиа – ресурстарды тиімді қолдану арқылы оқушылардың коммуникативтік құзыреттілігін қалыптастыру» тақырыбында қазақ тілі, әдебиеті пәні мұғалімдеріне арналған аудандық семинар өтті.Семинар барысында бағдарламаға сәйкес «№10 қазақ мектеп -гимназиясы» КММ мұғалімдері Амангазина Нұрай Жақсылыққызы , Биторинова Камал Аманбекқызы, №4 ЖББОМ мұғалімі Дүйсекина Асия Тлеуқызы, «С.Сейфуллин атындағы жалпы орта білім беретін мектеп» КММ мұғалімі Сейтбаева Меруерт Даулеткелдиевна сынды жас мамандар ашық сабақ өткізіп, сабақтарында медиа – ресурстарды қолдану арқылы жеке тұлғаның ұлттық және жалпыұлттық құндылықтарды өзіне үйлесімді үйлестіру, кез – келген өмірлік жағдайларда функционалдық сауаттылығы мен бәсекеге қабілеттілігін көрсете алу, сондай – ақ оқу және қолданбалы тапсырмаларды шешу мақсатында өз тәжірибелерімен бөлісті.
Семинар нәтижесінде семинарға қатысушылар оқу үрдісінде оқушылардың қазіргі заманға сай құзыреттіліктерін қалыптастыру үшін мұғалімнің заман талабына сай біліктілігі мен тәжірибесін арттыру, инновациялық технологияларды , оның ішінде медиа – ресурстарды сабақ барысында ұтымды қолдану жолдарын үйренді.