«Ерекше білім беру : тиімді әдістер, тәжірибелер» тақырыбындағы аудандық семинар өтті.

Мақсаты : «Ұлағат» әдістемелік қоғамдастықтың жұмыс жүйесін микрооқыту арқылы жетілдіре отырып, ерекше білім беруге қажеттілігі бар балаларды оқытуда, тәрбиелеуде, дамытуда және әлеуметтік бейімдеуде психологиялық-педагогикалық қолдау моделін қалыптастыру
Күтілетін нәтиже:
Ерекше білім беруге қажеттілігі бар білім алушылардың дамуына психологиялық-педагогикалық қолдау моделі қалыптасады, тьюторлық жұмыс жүйесі енгізіледі. Семинар Абай Құнанбаевтың 175 жылдығына тұспа-тұс ұйымдастырылғандықтан мектепке кіре берісінен ұлы аққынның әуенді әні, ұлттық киім киген оқушылар, әуезді күйлерімен таң қалдырған оркестр қарсы алды. Семинарға қатысушылар «№10 қазақ мектеп – гимназиясы»КММ-ң Абайтану кабинетінің салтанатты түрде ашылуына куә болды. Семинар аудандық білім бөлімінің басшысы Нургали Тлеккалиевичтің алғы сөзімен басталды. Семинар ары қарай тәжірибе алмасу бөліміне ұласты. Мектептің оқу-әдістемелік меңгерушілері мектептің жалпы жұмыс жоспарын, өзекті тақырыптары мен ұштасқан әдістемелік тақырып төңірегінде жүргізіліп жатқан «Ұлағат» әдістемелік қоғамдастығының жұмыс жүйесімен таныстырып өтті. Сондағы микрооқытуға ерекше тоқталып, тәжірибе жүзінде семинарға қатысушылар ерекше оқытуды қажет ететін оқушылар оқитын кластарға микросабақтарға қатысты. Ары қарай семинар келген әріптестермен бірге өткізілген «Іскерлік ойын» түріндегі микросабақпен жалғасты.Микросабақта мектептің ұстаздары ерекше оқытуды қажет ететін оқушылардың роліне еніп, нақты сабақ барысында болатын жағдаяттарды тәжірибе жүзінде көрсете білді. Барлық микросабақтарда мектепте дұрыс жолға қойылған тьюторлық жұмыс жүйесін мектеп психологы мен әлеуметтік педагог нақты көрсете алды. Семинар соңында аудандық білім бөлімінің әдістемелік кабинетінің меңгерушісі Айгуль Толеубековна семинарда сабақ берген мұғалімдер мен тьюторлық жұмысты көрсеткен мектеп психологы, әлеуметтік педагог және семинарға қатысушыларды «Сенім алаңына» өз ойлары мен пікірлерін, ұсыныстарын айтуға шақырды. Семинарға қатысушылар тәжірибе жүзінде тьюторлық жұмыстың барысы бойынша көп мәлімет алғандарын айтып, пікірлерімен бөлісті.Семинар мектеп директоры Авленов А.Т. сөзі мен ерекше білім алушылардың қатысуымен «Ризашылық-мейрімділік бұлағы» атты шағын концертпен жабылды.